Música tradicional asturiana
Pandereteres de Fitoria presenten una muestra del so llabor como intérpretes de la música tradicional asturiana fecha por muyeres.
Esti espectáculu, desenvueltu íntegramente n’asturianu, trata de los diferentes papeles que desempañaba la muyer nel ámbitu rural en cuantes que depositaria de la tradición oral: como encargada d’educar a los rapacinos y rapacines y acompañalos dende’l nacimientu hasta la edá adulta, y como archivu sonoru vivu de los saberes necesarios pal desarrollu de la vida cotidiana (dende recetes a cantares pal baille, pasando pelos cantares relixosos).
Dalgunes pieces inclúin la participación de músicos, qu’acompañen con instrumentos de cuerda y percusión. Tamién se cubre la faceta de la reellaboración de los temes tradicionales, dándo-yos un tratamientu más actual y averándolos a la mocedá, que munches veces siente otros tipos de músiques.