Dibúxame una pallabra (Luz de Gas Teatro) — Festival de Teatru Nel Amaro

Aisha ye una neña que por mor de la prohibición d’asistir a escuela, nun sabe nin lleer nin escribir. Comunícase namás falando y dibuxando, un llinguaxe visual que la conecta col mundu que la arrodia y col so collaciu, Nabid, qu’intenta ayudala a deprender en secretu, de manera clandestina. Al traviés del so vínculu, dambos intenten reescribir el so destín, creando pallabres que nunca s’escribieron.

Dibúxame una pallabra ye un viaxe emocional qu’esplora la resiliencia, la llucha pol derechu a la educación, y el poder de la creatividá como ferramienta d’espresión.

Trayectoria

Luz de Gas Teatro foi creada por Mayra Fernández nel 2020, dempués d’una trayectoria de más de 20 años nel campu de les Artes Escéniques. Esta compañía naz cola intención de poner n’escena testos de creación propia cola implicación social y el trabayu rellacionáu con temátiques sobre la muyer como una de les premises presentes na creación de los sos espectáculos.

Ficha técnica y artística

• Autoría y dirección: Mayra Fernández
• Sobre l’escenariu: Adriana Yáñez, Álvaro Bacigalupe
• Voces n’off: Nacho Ortega y Mayra Fernández
• Música orixinal y espaciu sonoru: Nacho Ortega