PintKids ofrece unha xornada chea de descubrimentos con estacións científicas adaptadas por idades, onde os máis pequenos poderán gozar desde actividades de psicomotricidade ata a fascinante observación de células ao microscopio.
Ademais, o evento contará con dúas charlas divulgativas de alto nivel:
- Transformar residuos para facer bioplásticos: Mª del Carmen Veiga Barbazán (Universidade da Coruña) explora como a ciencia transforma os nosos residuos en recursos valiosos, impulsando a economía circular.
- Reprogramando el envejecimiento: Manuel Collado Rodríguez (CIMUS) analiza os últimos avances na investigación biomédica para comprender e, potencialmente, frear o reloxo biolóxico das nosas células.